Guyonan PAGI: AREK NUMPAK BIS.

Hangno(8th)  bocah BLITAR arep lungo, diterke mbok'e nyegat bis ..
Kernet Bis : Suroboyo!....Suroboyo bu ??
MBoke Hangno: Pak, tulung nggih, mengke nek pun tekan Jombang, lare niki dikandani..!! 
(karo munggahke Hangno nang bis).
Kernet : Nggih bu.....tariiiiik!!!! 
(Nang tengah dalan, Hangno takon kernet Bis).
Hangno : "wis cedhak Jombang durung Lik?"
Kernet : "Durung le' jik suwe" 
(Ora let suwe, Hangno takon maneh)
Hangno : "Wis tekan Jombang Lik?"
Kernet : "Durung le'..... jih adhuuooh..!" 
(Hangno bosen ora tekan2 akhire keturon. Bis terus mlaku arah Suroboyo...ora kroso bis wis nglewati Jombang. Kernet lali pesene mbok'e Hangno, bareng kelingan kernet langsung omong nang Sopir..
Kernet: duuh kaaang!.. aku dosa nang bocah kui !! 
(Karo nuding Hangno sing lagi turu) 
Sopir : Lha kenopo to?
Kernet : Mau mbok'e nitipke..yen tekan Jombang bocahe tulung kandhanono.
Supir : Waah lha piye kowe kui? Jombang wis kliwat adoh! 
(Sopir bingung). 
Untunge Sopire apik gelem balik nang Jombang. Sakwise njaluk persetujuan penumpang liyane mergo mesakke karo si Hangno.(Sakwis'e bis tekan Jombang, Hangno digugah)
Kernet : Le..tangi le!, wis tekan Jombang ki 
(nggoyak2 awak-e Hangno). 
Hangno njenggirat : Wis tekan Jombang lik?? 
(Karo grusa grusu mbukak kantong! ngetokke sangune: Sego, Sambel, Lawuhe iwak asin)
Kernet : Arep mudhun kene lee ???
Hangno: "Ora lik... wong aku arep nang Suroboyo, mau mbokku pesen, Sangune mengko dipangan nek wis tekan Jombang waeya lee..!!"
( karo muluk segane ).
Jare kernet + supir + penumpang : " WEDHUS TENAN cah iki !!!! TIWAS MBALIK!!!!!"